چینی صدر شی جن پنگ تین روزہ دورے پر امریکا پہنچ گئے

واشنگٹن (صداۓ سچ نیوز) چینی صدر شی جن پنگ تین روزہ دورے پر امریکا پہنچ گئے۔ استقبال کیلئے صدر ٹرمپ خود فوجی اڈے پر پہنچ گئے۔

اینڈریوز ملٹری بیس پر ڈونلڈ ٹرمپ اور ان کی اہلیہ میلانیا ٹرمپ نے خود ریڈ کارپٹ پر شی جن پنگ اور ان کی اہلیہ  کا استقبال کیا۔ چینی صدر کے استقبال کیلئے غیر معمولی فوجی انتظامات کیے گئے تھے۔ 1962 کے بعد پہلی بار امریکی صدر کسی غیر ملکی مہمان کے استقبال کیلئے ایئرپورٹ آیا۔

 اس موقع پر صدر شی جن پنگ کو توپوں کی سلامی دی گئی ۔ دونوں ملکوں کے قومی ترانوں کی دھنیں بجائی گئیں  اور  طیاروں کا فلائی پاسٹ ہوا۔  اس کے بعد دونوں صدور الگ الگ گاڑیوں میں واشنگٹن ڈی سی روانہ ہوگئے۔

 امریکی صدر کی چینی ہم منصب سے باضابطہ ملاقات بھی شیڈیول ہے۔ جس میں امریکا چین تعلقات، عالمی امن، ترقی اور دیگر اہم بین الاقوامی معاملات زیر بحث آئیں گے۔ تجارت، ٹیکنالوجی، مصنوعی ذہانت اور تزویراتی معاملات پر بھی بات چیت متوقع ہے۔