اسلام آباد اور گردونواح میں آئندہ 24 گھنٹوں کے دوران مطلع ابر آلود رہنے کا امکان

اسلام آباد (صداۓ سچ نیوز) اسلام آباد اور گردونواح میں آئندہ 24 گھنٹوں کے دوران مطلع ابر آلود رہنے کا امکان ہے، محکمہ موسمیات نے چند مقامات پر تیز ہواؤں، آندھی اور گرج چمک کے ساتھ بارش کی پیشگوئی کی ہے۔

محکمہ موسمیات کے مطابق اسلام آباد اور گردونواح میں چند مقامات پر ژالہ باری بھی ہوسکتی ہے، جبکہ خیبرپختونخوا، آزاد کشمیر، گلگت بلتستان اور بالائی پنجاب میں بھی چند مقامات پر بارش متوقع ہے۔

اس دوران بعض علاقوں میں موسلادھار بارش اور ژالہ باری کا بھی امکان ہے، جبکہ ملک کے بیشتر میدانی علاقوں میں موسم گرم اور خشک رہے گا۔

محکمہ موسمیات کے مطابق گزشتہ 24 گھنٹوں کے دوران ملک کے بیشتر علاقوں میں موسم خشک اور گرم رہا، تاہم بالائی خیبرپختونخوا، پنجاب، اسلام آباد اور آزاد کشمیر میں چند مقامات پر بارش ہوئی۔

سب سے زیادہ بارش خیبرپختونخوا کے علاقے دیر بالا میں 23 ملی میٹر ریکارڈ کی گئی۔

آج ملک میں سب سے زیادہ درجہ حرارت شہید بینظیر آباد اور دالبندین میں 42 ڈگری سینٹی گریڈ ریکارڈ کیا گیا۔