منشیات فروشی میں سہولت کاری کا کیس، 2 گواہوں نے انمول عرف پنکی کو شناخت کر لیا

کراچی (صداۓ سچ نیوز) کراچی پراسیکیوشن کے دو گواہوں نے منشیات فروشی میں سہولت کاری کے کیس میں ملزمہ انمول عرف پنکی کو شناخت کرلیا۔

کراچی کی ایڈیشنل ڈسٹرکٹ اینڈ سیشن کورٹ میں کیس کی سماعت کے دوران ملزمہ انمول عرف پنکی کو  ویڈیو لنک کے ذریعے عدالت میں پیش کیا گیا جہاں پراسیکیوشن کے 2 گواہوں نے ملزمہ کو شناخت کرلیا، گواہوں میں لیڈی کانسٹیبل سونیا اشرف اور تفتیشی افسر منصور شامل ہیں۔

لیڈی کانسٹیبل سونیا نے عدالت کو بتایا کہ ملزمہ کو گارڈن کی حدود سے گرفتار کیا گیا تھا جب کہ پبلک پراسیکیوٹر شکیل عباسی نے کہا کہ دو گواہوں نےملزمہ کو شناخت کیا ہے، سی ڈی آر ثابت کرتا ہے کہ ملزمہ منشیات فروشوں سے رابطے میں تھی۔

سرکاری وکیل کا کہنا تھا ملزمان انمول عرف پنکی کی دی ہوئی لوکیشن پر منشیات سپلائی کرتے تھے، ملزمہ کے خلاف 2018 میں سی ٹی ڈی نے مقدمہ درج کیا تھا۔