افزودہ یورینیم کے ایک ذرے کی بھی ایران سے منتقلی کی اجازت نہیں دیں گے، محسن رضائی

تہران (صداۓ سچ نیوز) ایرانی سپریم نیشنل سکیورٹی کونسل کے سیکریٹری محسن رضائی نے واضح کیا ہے کہ ایران اپنے افزودہ یورینیم کا ایک ذرہ بھی ملک سے باہر منتقل کرنے کی اجازت نہیں دے گا۔ ان کا یہ بیان ایران کے جوہری پروگرام اور افزودہ یورینیم کے مستقبل سے متعلق جاری بحث کے تناظر میں سامنے آیا ہے۔

لبنانی میڈیا سے گفتگو کرتے ہوئے محسن رضائی نے کہا کہ ایران اپنے افزودہ یورینیم کو ملک سے باہر منتقل کرنے کے کسی بھی اقدام کو قبول نہیں کرے گا۔ ان کے مطابق افزودہ یورینیم ایران کے جوہری پروگرام کا اہم حصہ ہے اور تہران اس معاملے پر اپنے مؤقف سے پیچھے نہیں ہٹے گا۔