Connect with us

ایکسکلوسِو

حضرت لعل شہباز قلندر نے عشق ،رواداری اور خدمت خلق کا درس دیا ہے، سید قمر رضا نقوی

Sham e Qalandar Organized dy Daily Sada-e-Sach in collaboration with National Press Club

اسلام آباد (صدائے سچ نیوز) اوورسیز پاکستانیز فائونڈیشن کے چیئرمین سید قمر رضا نقوی نے کہا ہے کہ حضرت لعل شہباز قلندر نے عشق ،رواداری اور خدمت خلق کا درس دیا ہے، ہم اگر اولیاء کی تعلیمات کو عملی زندگی کا حصہ بنا لیں تو معاشرے سے آدھے مسائل ختم ہو جائیں گے۔

ان خیالات کا اظہار انہوں نے نیشنل پریس کلب اور روزنامہ صدائے سچ کے اشتراک سے ریڈیو پاکستان کے مہدی حسن آڈیٹوریم میں منعقد ہ "شام قلندر”کے اختتام پرملک بھر سے مختلف شعبہ ہائے زندگی میں نمایاں کارکردگی کے حامل افراد میں ایوارڈز اور اعزازات تقسیم کرنے کی تقریب سے خطاب میں کیا۔

قبل ازیں قوالی کا آغاز جواد علی ملنگ اور بخت علی ڈھڈیال نے کیا جسے پاکستان کے معروف قوال عارف فیروز خان نے اپنے مخصوص انداز میں قوالی سے بام عروج تک پہنچا تے ہوئے محفل کو روحانی سوز و گداز سے بھر دیا۔ ان کے کلام سے متاثر ہو کر حاضرین کی بڑی تعداد آبدیدہ ہوگئی۔

مہمان خصوصی چیئرمین او پی ایف نے کہاکہ عارف فیروز خان قوال جیسی شخصیات ہمارا قومی فخر ہیں جنہوں نے دلوں میں اسلام کی روشنی پھیلائی اور کئی غیر مسلموں کو اسلام سے روشناس کرایا جبکہ تقریب میں موجود مختلف شعبہ ہائے زندگی میں پوری دنیا میں کامیابی کے جھنڈے گاڑنے والی شخصیات کو دیئے جانے والے ایوارڈز محض اعزاز نہیں ہیں بلکہ پوری قوم کے مشعل راہ ہیں جو ہمیں یاد دلاتے ہیں کہ خدمت اور لگن ہی حقیقی کامیابی ہے۔

چیف ایڈیٹر روزنامہ صدائے سچ سید تبسم عباس شاہ اور صدر نیشنل پریس کلب اظہر جتوئی نے تمام شرکا ء کو خوش آمدید کہا۔ تقریب میں مختلف شعبہ ہائے زندگی سے تعلق رکھنے والی نمایاں شخصیات اور ماہرین نے شرکت کی۔

محفل کے مہمانانِ خصوصی میں چیئرمین اوورسیز پاکستانیز فائونڈیشن سید قمر رضا نقوی، وزیراعظم کے فوکل پرسن برائے یوتھ پروگرام سید ذیشان علی نقوی شامل تھے ۔

ایوارڈز کے موقع پر مختلف شعبہ ہائے زندگی میں نمایاں خدمات انجام دینے والی شخصیات کو اعزازات سے نوازا گیا جن میں عارف فیروز خان قوال کو اسلام کا حقیقی پیغام غیرمسلموں تک پہنچا کر انہیں مشرف بہ اسلام کرنے پر "سفیر مودت”کے اعزاز سے نوازا گیا، سو سے زیادہ کتابوں کے مصنف، آئل اینڈ گیس کی متعدد ذخائر دریافت کرنیوالے ماہر جیالوجسٹ ڈاکٹر رفیق الحسن باقری،کشمیر ، گلگت اور وسطی ایشیائی ریاستوں کے لاکھوں افراد کو دائرہ اسلام میں داخل کرنیوالی شخصیت حضرت امیر کبیر سید علی ہمدانی شاہ ہمدان ہر نمل یونیورسٹی سے پی ایچ ڈی کرنیوالے ریسرچ سکالر ڈاکٹر حسین احمد،دنیا بھر میں الرجی پر تحقیق ، جدید ترین ویکسین اور ادویات ایجاد کرنے کی بدولت پاکستان کا نام روشن کرنے والے ڈاکٹر شاہد عباس،وفاقی دارالحکومت میں معیار تعلیم اور سرکاری تعلیمی اداروں کے نتائج کو بہترین کرنے والے ماہر تعلیم ڈاکٹر علی احمد کھرل(سابق ڈائریکٹر جنرل وفاقی نظامت تعلیم )،پاکستان اورپاکستان سے باہرماحولیاتی تبدیلیوں کے حوالے سے آگاہی کا فریضہ ادا کرنیوالے لکھاری چوہدری محمد ارشد،پاکستان اور بیرون ملک میں سپورٹس کے شعبے میں گراں قدر خدمات پر راجہ ہارون حفیظ، نواسہ رسول کی ولادت کے حوالے سے پاکستان کی سب سے بڑی تقریب منعقد کرنے والی کاروباری شخصیت چوہدری فرخ رضا کو اعزازات سے نوازا گیا جبکہ برطانیہ میں ہزاروں مریضوں کا کامیابی سے علاج کرنے اور بیرون ملک سے علاج کیلئے پاکستان راغب کرنے والے ڈاکٹر عباس شاہ کو ہیلتھ ایمبیسڈر، نوجوانوں میں ذکر امام حسین اور فکر امام حسین کے فروغ پرکاروان شاہ چن چراغ کے سالار سید جون علی کاظمی کو "سالارپاکستان”،بلا تفریق سیاسی وابستگی نوجوانوں کی ترقی کیلئے ہمہ وقت کوشاں وزیر اعظم کے فوکل پرسن برائے یوتھ پروگرام سیدذیشان علی نقوی کو "یوتھ ایمبیسڈر”،پاکستان میں اوورسیز پاکستانیوں اور دنیا بھر میں پاکستان کا امیج بہتر بنانے کیلئے قابل قدر خدمات پر چیئرمین او پی ایف سید قمر رضا نقوی کو "اوورسیز ایمبیسیڈر "جبکہ جواد علی ملنگ اور بخت علی ڈھڈیال کو "ینگ سنگر”ایوارڈ سے نوازا گیا۔

علاوہ ازیں حکومت اور میڈیا میں تعلقات کی بہتری کیلئے بے پناہ خدمات پر پرنسپل انفارمیشن آفیسر پریس انفارمیشن ڈیپارٹمنٹ مبشر حسن کوپاکستان کے” بیسٹ پی آر پروفیشنل "جبکہ بیرون ملک پاکستان کے موقف کو نمایاں طور پر اجاگر کرنے اور وطن عزیز کے خلاف منفی پروپیگنڈے کا موثر طریقے سے جواب دینے کے حوالے سے بہترین خدمات پر علی نواز کو”بیسٹ پریس منسٹر”کے اعزاز سے نوازا گیا۔

صحافت اور صحافیوں کی ترقی کیلئے بے پناہ خدمات پر صوبائی سیکرٹری اطلاعات و ثقافت سید طاہر رضا ہمدانی،ڈائریکٹر جنرل ریڈیو پاکستان سعید احمد شیخ ، ڈائریکٹر جنرل پریس انفارمیشن ڈیپارٹمنٹ لاہور شفقت عباس،ڈائریکٹر منسٹر آفس وزارت اطلاعات و نشریات عامر رضا ملک کیلئے اعزازات کا اعلان کیا گیا۔

مزید برآں صحافتی آزادی کیلئے نمایاں خدمات پر افضل بٹ ،امراض دل کے علاج کیلئے گراں قدر خدمات پر ڈاکٹر سید ناصر علی شاہ اور مختلف بیماریوں کے باعث معذور افراد کی پاکستان کے اندر اور امریکہ میں بحالی کیلئے خدمات پر ڈاکٹر تفضل ملک جبکہ پبلک سیکٹر میں عوام کی سہولت کیلئے بہترین خدمات پر فیڈرل گورنمنٹ ایمپلائز ہائوسنگ اتھارٹی کے ڈائریکٹر سید کاظم عباس کیلئے اعزازت کا اعلان کیا گیا۔

تقریب میں میزبانی کے فرائض تصور زمان بابر نے نہایت باوقار اور پیشہ ورانہ انداز میں انجام دیئے جس کے اعتراف میں انہیں بہترین کمپیئرر کا اعزاز بھی دیا گیا۔اس محفل کا مقصد نہ صرف روحانی جذبہ اجاگر کرنا بلکہ خدمتِ خلق اور انسانی ترقی میں نمایاں کردار ادا کرنے والے افراد کے کام کو سراہنا بھی تھا جسے شرکا ء نے دل کھول کر سراہا۔

Click to comment

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

یہ بھی پڑھیں

lahore petrol pump lahore petrol pump
پاکستان8 منٹس ago

پیٹرول پمپ مالکان کا قیمتوں کا تعین ماہانہ بنیادوں پر کرنے کا مطالبہ، وزیراعظم کو خط لکھ دیا

اسلام آباد (صداۓ سچ نیوز) ٹرول پمپ مالکان نے وزیراعظم محمد شہباز شریف کو خط دیا جس میں پیٹرول کی قیمتوں...

Rabia-Ahsan-shot-dead Rabia-Ahsan-shot-dead
پاکستان25 منٹس ago

تفتیش میں ثابت ہوچکا، ربیعہ کو گولی ملزم احسن طاہر نے ماری ہے، سی پی او راولپنڈی

راولپنڈی (صداے سچ نیوز) راولپنڈی میں ٹی وی اینکر ربیعہ احسن قتل کیس سے متعلق  بات کرتے ہوئے سی پی...

PMDC PMDC
پاکستان37 منٹس ago

پی ایم ڈی سی کی ڈاکٹرز کو 8 فروری 2027ء تک رجسٹریشن، پریکٹس لائسنس تجدید کروانے کی ہدایت

اسلام آباد (صداۓ سچ نیوز) پاکستان میڈیکل اینڈ ڈینٹل کونسل (پی ایم ڈی سی) نے تمام ڈاکٹرز کو رجسٹریشن اور...

Brutal Father Brutal Father
تازہ ترین43 منٹس ago

جھگڑے میں ماں کو بچانے کی کوشش پر سفاک باپ نے اپنے 16 سالہ بیٹے کی جان لے لی

ناٹک (صداۓ سچ نیوز) بھارتی ریاست کرناٹک میں پیش آنے والے ایک دل خراش واقعے میں سفاک والد نے اپنے...

Drone Attack on Russia Drone Attack on Russia
تازہ ترین56 منٹس ago

یوکرین کا روس پر اب تک کا سب سے بڑا ڈرون حملہ، اہم پل اور آئل ریفائنریاں نشانہ بنیں

ماسکو (صداۓ سچ نیوز) روسی وزارتِ دفاع  کے مطابق یوکرین نے روس پر اب تک کا سب سے بڑا ڈرون...

oic oic
پاکستان2 گھنٹے ago

او آئی سی کے سیکریٹری جنرل کی وزیراعظم سے ملاقات، فلسطین اور کشمیر کے مظلوم عوام کی حمایت کا اعادہ

اسلام آباد  (صداے سچ نیوز)  او آئی سی کے سیکرٹری جنرل اسماعیل ولد الشیخ احمد نے آج اسلام آباد میں...

chaudhry-salik-hussain chaudhry-salik-hussain
پاکستان2 گھنٹے ago

چوہدری سالک نے مریم نواز اور عظمیٰ بخاری کو ہتکِ عزت کے نوٹس بھیج دیے

اسلام آباد  (صداے سچ نیوز) وفاقی وزیر چوہدری سالک حسین نے  اپنے بیان میں کہا کہ قانونی نوٹس کا باضابطہ...

kpk kpk
پاکستان3 گھنٹے ago

خیبر پختونخوا میں فوج کی مسلسل تعیناتی سے متعلق آئینی عدالت میں جواب جمع

پشاور(صداے سچ نیوز) خیبر پختونخوا میں کسی استثنیٰ کے بغیر سول انتظامیہ کی معاونت کےلیے افواج کی مسلسل تعیناتی ناگزیر...

water water
تازہ ترین3 گھنٹے ago

سرد موسم میں مناسب مقدار میں پانی پینے کے فوائد

ہمارا جسم کا 60 فیصد حصہ پانی پر مبنی ہے اور یہی وجہ ہے کہ روزانہ مناسب مقدار میں پانی...

pakistan fanland pakistan fanland
پاکستان3 گھنٹے ago

پاکستان اور فن لینڈ کے درمیان توانائی اور معدنیات کے شعبوں میں تعاون بڑھانے پر اتفاق

اسلام آباد (صداے سچ نیوز) وزیر پیٹرولیم علی پرویز ملک سے فن لینڈ کے نائب وزیر جارنو سیرجالا کی ملاقات...

Trending