معروف کاروباری شخصیت چوہدری فرخ رضا کا گورنر خیبر پختونخوا فیصل کریم کنڈی کے اعزاز میں عشائیہ، جشن امام حسین ؑ میں شرکت پر شکریہ ادا کیا

اسلام آباد (صدائے سچ نیوز) گندھارا پراپرٹیز اور ون ٹین ڈویلپرز کے چیئرمین فرخ رضا چوہدری کی جانب سے گورنر خیبرپختونخوا فیصل کریم کنڈی کے اعزاز میں سیرینہ ہوٹل اسلام آباد میں عشائیے کا اہتمام کیا گیا، جس میں سیاسی، سماجی اور صحافتی شخصیات کی بڑی تعداد نے شرکت کی۔

عشائیے میں پیر سید نثار قاسم چکوال، چوہدری کامران علی خان، سید ذیشان علی نقوی، مولوی سید باقر نقوی اور ڈاکٹر قمر چیمہ سمیت دیگر اہم شخصیات نے شرکت کی

فرخ رضا چوہدری نے تین شعبان کو چکری راولپنڈی میں منعقدہ جشنِ امام حسینؑ کے مرکزی اجتماع میں شرکت پر گورنر فیصل کریم کنڈی کا شکریہ ادا کیا۔ انہوں نے پیغامِ حسینیت کے فروغ اور بین المسالک ہم آہنگی کے لیے گورنر کے کردار کو سراہا۔

اس موقع پر گورنر خیبرپختونخوا فیصل کریم کنڈی نے کہا کہ امام حسین علیہ السلام پوری انسانیت کے لیے مشعلِ راہ ہیں، جبکہ واقعہ کربلا کا درس دنیا بھر کی حریت پسند تحریکوں کے لیے رہنمائی کا ذریعہ ہے۔ انہوں نے کہا کہ ہمیں کربلا کے پیغام کو اپنی اجتماعی اور قومی زندگی میں اپنانا ہوگا۔

عشائیے میں پیر سید نثار قاسم چکوال، سابق پارلیمانی سیکرٹری چوہدری کامران علی خان، وزیر اعظم یوتھ پروگرام کے فوکل پرسن سید ذیشان علی نقوی، مولوی سید باقر نقوی، صنوبر انسٹیٹیوٹ کے ایگزیکٹو ڈائریکٹر ڈاکٹر قمر چیمہ، صحافی سید گلزار ساقی، نوخیز ساہی، علی فرقان، سید تنویر حسین شاہ، چوہدری بنیل عابد، عروہ عباس چوہدری، عون عباس چوہدری، طارق بنگش سمیت دیگر شخصیات نے شرکت کی۔