جنگ بندی کی خلاف ورزی ہوئی تو آبنائے ہرمز دوبارہ بند کردیں گے: ایران کا دوٹوک پیغام

تہران (صدائے سچ نیوز) ایرانی وزارتِ دفاع کے مطابق آبنائے ہرمز  میں آمدورفت حملے نہ کرنے سے مشروط ہے اور اس اہم تجارتی گزرگاہ تک رسائی کا انحصار جنگ بندی کی موجودہ صورتحال پر ہے۔

ایرانی خبر رساں ادارے فارس نیوز ایجنسی کے مطابق وزارتِ دفاع کے ترجمان بریگیڈیئر جنرل رضا طلائی نیک نے کہا ہے کہ آبنائے ہرمزصرف جنگ بندی کی صورت میں ہی کھلی رہے گی۔

یہ بھی پڑھیں: آبنائے ہرمز کھولنے کے اعلان پر تیل کی قیمتوں میں بڑی کمی

انہوں نے مزید کہا کہ فوجی جہازوں اور دشمن قوتوں سے وابستہ بحری جہازوں کو آبنائے ہرمز سے گزرنے کی اجازت نہیں ہوگی۔

ترجمان کا کہنا تھا کہ موجودہ صورتحال عارضی ہے اور اگر زمینی حالات، خصوصاً لبنان سے متعلق صورتحال میں تبدیلی آتی ہے تو اس اہم آبی گزرگاہ کو دوبارہ بند کیا جا سکتا ہے۔