آئی ایم ایف ایگزیکٹیو بورڈ کا اجلاس آج، پاکستان کو 1 ارب 20 کروڑ ڈالر ملنے کا امکان

واشنگٹن (صداۓ سچ نیوز) انٹرنیشنل مانیٹری فنڈ (آئی ایم ایف) کے ایگزیکٹیو بورڈ کا اجلاس آج واشنگٹن میں ہو گا، جس میں قرض پروگرام پر جائزہ مشن کی سفارشات کا جائزہ لیا جائے گا۔

ذرائع کے مطابق آئی ایم ایف کا بورڈ جائزے کے بعد پاکستان کو قرض پروگرام کی اگلی قسط کا فیصلہ کرے گا، اگلی قسط جاری کرنے کا فیصلہ ہوا تو پاکستان کو اگلے 2 دن میں ایک ارب 20 کروڑ ڈالرز ملیں گے۔

ذرائع کا کہنا ہے کہ پاکستان کو 1 ارب ڈالرز قرض کی قسط اور 20 ارب ڈالرز موسمی تبدیلی کے اثرات سے نمٹنے کے لیے ملیں گے، پاکستانی حکام پُر امید ہیں کہ قرض پروگرام کی اگلی قسط جاری کرنے کا فیصلہ ہو گا۔

منظوری کی قسط میں پاکستان کو ای ایف ایف پروگرام کے تحت مجموعی طور پر 3.3 ارب ڈالرز جاری ہو جائیں گے، پاکستان کو ای ایف ایف اور موسمی تبدیلی سے نمٹنے کے لیے 2.1 ارب ڈالرز پہلے ہی جاری ہو چکے ہیں۔

واضح رہے کہ پاکستان کا قرض پروگرام ستمبر 2024ء میں 37 ماہ کے لیے منظور ہوا تھا۔