وزیراعلیٰ مریم نوازکی لائیو ڈیش بورڈ کی بدولت سُتھرا پنجاب میں بدعنوانی بے نقاب

فیصل آباد (صداۓ سچ نیوز) وزیراعلیٰ مریم نوازکی لائیو ڈیش بورڈکی بدولت سُتھرا پنجاب میں بدعنوانی بے نقاب ہو گئی ، پہلی باروزیر اعلیٰ مریم نوازنےخود کسی ادارے کا احتساب کرکےپبلکلی کیس اینٹی کرپشن کوبھیج دیا۔

وزیراطلاعات پنجاب عظمیٰ بخاری کہتی ہیں وزیراعلیٰ پنجاب نےفیصل آباد میں ہونےوالی سنگین بدعنوانی کا خود پردہ فاش کردیا۔وزیراعلیٰ مریم نوازنےآڈیٹرز کی خصوصی ٹیم فیصل آباد روانہ کی، تحقیقاتی ٹیم نے میدان میں پہنچ کر ٹھیکیداروں اور سرکاری افسران کے درمیان ایک منظم گٹھ جوڑ بے نقاب کیا۔

 عظمیٰ بخاری نے مزید بتایا کہ فیصل آباد میں ستھرا پنجاب کے عوامی فنڈز کو ذاتی مفادات کے لیے استعمال کیا جا رہا تھا،  گٹھ جوڑ براہِ راست سُتھرا پنجاب کے منصوبوں کو نقصان پہنچا رہا تھا۔  ان کا مزیدکہنا تھا کہ ستھرا پنجاب تحقیقات کسی کی شکایت یا بیرونی دباؤ کا نتیجہ نہیں بلکہ وزیر اعلی کی کڑی مانیٹرنگ  کا ثمر ہے۔

یہ بھی پڑھیں؛ لاہور، انمول پنکی تحقیقات میں پیشرفت، ملزمہ کی پنجاب منتقلی کیلئے ٹیمیں تشکیل

وزیراعلی مریم نواز شریف  کی آنکھ ہر گلی  ہر پراجیکٹ پر ہے، عوامی پیسے پر ڈاکہ ڈالنے والوں سے وزیر اعلیٰ پنجاب کا آہنی ہاتھ سے نمٹیں گی۔