ایرانی پاسداران انقلاب نے آبنائے ہرمز سے ایک امریکی کارگو جہاز کو قبضے میں لے لیا، ایرانی میڈیا کا دعویٰ

تہران (صدائے سچ نیوز) ایرانی میڈیا نے دعویٰ کیا ہےکہ ایرانی پاسداران انقلاب نے آبنائے ہرمز سے ایک امریکی کارگو جہاز کو قبضے میں لیا ہے۔

ایرانی خبر ایجنسی کے مطابق امریکی کمپنی سے منسلک کارگو جہاز کو  آبنائے ہرمز میں ٹرانزٹ قوانین اور ضوابط کی خلاف ورزی کے الزام میں روکا گیا۔

ایرانی پاسداران انقلاب کے مطابق امریکی فوج کی سرپرستی میں 4 جہاز  آبنائے ہرمز سے گزرنے کی کوشش کر رہے تھے،  ان میں سے ایک جہاز کو نشانہ بنا کر روک لیا گیا، جب کہ باقی تین جہاز واپس لوٹ گئے۔

یہ بھی پڑھیں: امریکا کا ایران میں تنصیبات پر حملہ، جوابی کارروائی میں پاسدارانِ انقلاب کا امریکی فضائی اڈوں کو میزائلوں سے نشانہ بنانے کا دعویٰ

ایرانی میڈیا پر جہاز کی فوٹیج بھی جاری کی گئی ہے اور دعویٰ کیا گیا ہے یہ جہاز امریکی کمپنی کا ہے۔

اب تک امریکا کی جانب سے اس دعوے پر کوئی باضابطہ ردعمل سامنے نہیں آیا ہے۔