بنوں کی تحصیل ڈومیل میں دھماکہ، سات افراد جاں بحق، پانچ زخمی ہوگئے

پشاور (صداۓ سچ نیوز) خیبرپختونخوا کے ضلع بنوں کی تحصیل ڈومیل میں ہونے والے دھماکے کے نتیجے میں 7 افراد جاں بحق جبکہ 5افراد زخمی ہوگئے۔

پولیس کےمطابق دھماکہ پینگ موسیٰ خیل کے علاقے میں پیش آیا،جہاں نامعلوم مسلح افراد نےڈاٹسن گاڑی کو نشانہ بنایا۔

پولیس کاکہنا ہےکہ دھماکے کی زدمیں تحصیلدار سب ڈویژن کی گاڑی بھی آ گئی، جس سے مزید جانی و مالی نقصان ہوا۔

واقعے کےفوراً بعدریسکیو ٹیمیں اور قانون نافذ کرنےوالے ادارے موقع پر پہنچ گئے،جاں بحق اورزخمی افراد کو فوری طور پر قریبی اسپتال منتقل کر دیا گیا۔

ڈی پی او یاسر آفریدی نےبتایا ہےکہ دھماکا خیز مواد سڑک کنارے نصب کیاگیا تھا،واقعے کی تحقیقات کی جا رہی ہیں۔

وزیراعظم شہبازشریف نے بنوں دھماکےکی شدیدمذمت،قیمتی جانوں کےضیاع پر افسوس کا اظہار کیا ہے،کہادہشت گردی انسانیت،پاکستان کے امن اور استحکام کے خلاف گھناؤنی سازش ہے،ایسی بزدلانہ کارروائیاں قوم کے عزم کو ہرگز متزلزل نہیں کر سکتیں۔

یہ بھی پڑھیں: امریکی صدر ڈونلڈ ٹرمپ سے اسرائیلی وزیرِ اعظم نیتن یاہو کو لگام ڈالنے کا مطالبہ زور پکڑنے لگا

وزیراعلیٰ خیبرپختونخوا سہیل آفریدی نےبنوں میں دھماکے کی شدید الفاظ میں مذمت کی ہے،انہوں نے واقعےپرنوٹس لیتےہوئے پولیس حکام سے رپورٹ طلب کرلی،کہادھماکےمیں معصوم شہریوں کی شہادت انتہائی افسوسناک ہے،شہداکےلواحقین کےغم میں برابر کےشریک ہیں،صوبائی حکومت مشکل کی گھڑی میں غمزدہ خاندانوں کوتنہانہیں چھوڑے گی،وزیراعلی خیبرپختونخوا نے زخمیوں کو بہترین طبی سہولیات کی فراہمی یقینی بنانےکی ہدایت کی ہے۔