امریکی پابندیوں کے باعث ایرانی فلائٹ آپریشن متاثر ہوا تو پھر خطے میں کسی بھی ملک کا طیارہ اڑان نہیں بھر سکے گا، ایران

تہران (صداۓ سچ نیوز) ایران نے خبردار کیا ہے کہ اگر امریکی پابندیوں کے باعث ایرانی فلائٹ آپریشن متاثر ہوا تو پھر خطے میں کسی بھی ملک کا طیارہ اڑان نہیں بھر سکے گا۔

سپریم لیڈر کے مشیر محمد مخبر نے ایک بیان میں کہا اگر ایران کے طیاروں کو امریکی پابندیوں کی وجہ سے ہوائی اڈے کی سہولتیں نہ ملیں تو خطے میں کسی بھی ملک کے لیے پروازوں کا سلسلہ جاری نہیں رہ سکے گا۔

واضح رہےکہ امریکی پابندیوں کے باعث عراق کا نجف انٹرنیشنل ائیرپورٹ ایران سے آنے والی پروازوں پر پابندی لگاچکا ہے جبکہ متحدہ عرب امارات نے بھی امریکی پابندیوں کے تحت ایرانی ائیر لائنز کی پروازیں روک دی ہیں۔