پشاور میں غیر رجسٹرڈ اور ٹوکن ٹیکس نادہندہ گاڑیوں کے خلاف کریک ڈاؤن شروع

پشاور (صداۓ سچ نیوز) ایکسائز اینڈ ٹیکسیشن آفس ون پشاور نے غیر رجسٹرڈ اور ٹوکن ٹیکس ادا نہ کرنے والی گاڑیوں کے خلاف کارروائی کا آغاز کر دیا ہے۔

ای ٹی او ون کے مطابق شہری اپنی غیر رجسٹرڈ موٹرسائیکلوں اور گاڑیوں کی فوری رجسٹریشن مکمل کریں جبکہ واجب الادا ٹوکن ٹیکس بھی بروقت ادا کیا جائے۔

حکام نے واضح کیا ہے کہ قوانین کی خلاف ورزی کرنے والوں کے خلاف جرمانہ، گاڑیوں کی ضبطگی اور قانونی کارروائی عمل میں لائی جائے گی۔

یہ بھی پڑھیں: ممکن ہے اگلے ہفتے چین کے دورے سے پہلے جنگ کے خاتمے کا معاہدہ ہوجائے، صدر ٹرمپ

ای ٹی او ون مسعود الحق کا کہنا ہے کہ مؤثر اور شفاف نظام کے قیام کے لیے شہری اپنی ذمہ داریاں پوری کریں تاکہ ٹرانسپورٹ نظام کو بہتر بنایا جا سکے۔