مہنگی ایل پی جی کے بعد عوام کوبڑا دھچکا، فی یونٹ بجلی 2 روپے37 پیسے مہنگی

اسلام آباد (صداۓ سچ نیوز) مہنگائی کے ستائے عوام پر ایک اور بجلی گر گئی، نیپرا نے بجلی کے فی یونٹ نرخ میں 2 روپے 37 پیسے اضافے کی منظوری دے دی۔

نیشنل الیکٹرک پاور ریگولیٹری اتھارٹی (نیپرا) نے ستمبر 2026 کی ماہانہ فیول پرائس ایڈجسٹمنٹ کے تحت بجلی مہنگی کرنے کا نوٹیفکیشن جاری کردیا۔

نوٹیفکیشن کے مطابق بجلی کے نرخوں میں اضافے کا بوجھ صارفین کو نومبر کے بجلی بلوں میں برداشت کرنا ہوگا۔

نیپرا کے مطابق قیمتوں میں اضافے کا اطلاق کراچی سمیت ملک بھر میں کے الیکٹرک کے صارفین پر بھی ہوگا۔

واضح رہے کہ سینٹرل پاور پرچیزنگ ایجنسی (سی پی پی اے) نے ستمبر کی فیول پرائس ایڈجسٹمنٹ کی مد میں فی یونٹ بجلی 2 روپے 56 پیسے مہنگی کرنے کی درخواست دائر کی تھی۔