شمالی ایران میں دشمن طیاروں کی رہنمائی کیلئے استعمال ہونیوالا سازوسامان برآمد: ایرانی میڈیا

تہران (صدائے سچ نیوز) ایرانی میڈیا کے مطابق ایران کے شمالی صوبے مازندران کے ضلع تنکابن کے  پہاڑی علاقوں سے دشمن لڑاکا طیاروں کی رہنمائی اور معاونت کے لیے استعمال ہونے والا تکنیکی سازوسامان  قبضے میں لیا گیا ہے۔

ایرانی میڈیا کے  مطابق یہ گراؤنڈ آلات اس راستے پر نصب کیے گئے تھے جو مبینہ طور پر دشمن طیاروں کی جانب سے دارالحکومت تہران کی فضائی حدود میں داخلے کے لیے استعمال کیا جاتا تھا۔

رپورٹ کے مطابق امریکا اور اسرائیل کی ایران کے خلاف جنگ کے دوران یہ علاقہ اسرائیلی لڑاکا طیاروں کے لیے اہم گزرگاہ کے طور پر استعمال ہوا جہاں سے وہ تہران اور ملک کے شمالی علاقوں میں اہداف کو نشانہ بناتے رہے۔