دریائے چناب میں سیلابی صورتحال کم ہو کر نچلےدرجے پر آگئی

دریائے چناب میں سیلابی صورتحال کم ہوکرنچلےدرجے پر آگئی۔

پی ڈی ایم اے کے مطابق دریائےچناب میں سیلابی صورتحال کم ہوکرنچلےدرجے پرآگئی ہے،خانکی کے مقام پر پانی کا بہاؤ ایک لاکھ 20 ہزار،قادرآبادمیں ایک لاکھ 23 ہزارجبکہ تریموں کےمقام پرایک لاکھ 84 ہزار کیوسک ریکارڈ کیا گیا،مرالہ کےمقام پردریائےچناب میں پانی کا بہاؤ معمول کے مطابق ہے۔

پی ڈی ایم اے پنجاب کےمطابق دریائےسندھ میں کالا باغ، چشمہ اورتونسہ کےمقامات پرنچلے درجے کے سیلاب کی صورتحال ہے،کالا باغ کےمقام پرپانی کابہاؤ 2 لاکھ 73 ہزار،چشمہ میں 3 لاکھ 13 ہزار جبکہ تونسہ بیراج پر 3 لاکھ 64 ہزار کیوسک ہے۔

پی ڈی ایم اےکے مطابق دریائے ستلج اور جہلم میں بھی پانی کا بہاؤ نارمل ہے، جبکہ دریائے راوی میں سدھنائی کےمقام پردرمیانےدرجےکی سیلابی صورتحال ہے،جسڑ،شاہدرہ اوربلوکی کےمقامات پر دریائے راوی کا بہاؤ معمول کے مطابق ہے۔

وزیرآبادمیں نالہ پلکھومیں اونچے درجے جبکہ نارووال میں نالہ بسنتر میں نچلے درجے کے سیلاب کی صورتحال ہے،ڈی جی پی ڈی ایم اے نے شہریوں سےاپیل کی کہ دریاؤں کے پاٹ میں موجود افراد فوری طورپرمحفوظ مقامات پر منتقل ہوجائیں