حماس کے اعلان پر غزہ بورڈ آف پیس نے رد عمل جاری کر دیا

غزہ (صداۓ سچ نیوز) حماس کے اعلان پر غزہ بورڈ آف پیس نے رد عمل جاری کرتے ہوئے کہاہے کہ ہم نے آج غزہ میں ایمرجنسی کمیٹی کی تحلیل کے اعلان کا نوٹس لیا ہے، ہمارا جائزہ وعدوں کے بجائے عملی اقدامات کی بنیاد پر ہوگا۔

غزہ پیس بورڈ کے مطابق غزہ کے عوام کی فوری اور بنیادی ضروریات پوری ہونی چاہیں، فیصلے روڈ میپ میں بیان کردہ تمام تقاضوں کے مطابق ہونا ضروری ہے، ہم اس روڈ میپ پر جاری مذاکرات کی کامیاب تکمیل کے منتظر ہیں، غزہ انتظامی کمیٹی کومکمل حکومتی اختیارات سنبھالنے کے قابل ہونا چاہیے، بنیادی اصول یہ ہے کہ ایک ہی اتھارٹی، ایک ہی قانون، اور ایک ہی ہتھیار ہو،تمام ہتھیار غزہ قومی انتظامی کمیٹی کے کنٹرول میں ہونے چاہیں۔

حماس نےغزہ کا انتظام  فلسطینی ٹیکنوکریٹک کمیٹی کےحوالے کرنےکا اعلان کیا ہے،فلسطینی ٹیکنوکریٹک کمیٹی  کا انتظام سنبھالنے تک حماس نگراں کے طور پرکام کرے گی، ٹیکنوکریٹک کمیٹی ٹرمپ کے بورڈ آف پیس کی حمایت پر بنائی گئی تھی،حماس 20 سال سے غزہ کا انتظام سنبھالے ہوئے ہے

ترجمان حماس کا کہنا ہے کہ اقدام سے فلسطینی ٹیکنوکریٹک کمیٹی کیلئے سول انتظام سنبھالنے کی راہ ہموار ہوگی،جنگ بندی کے بعد غزہ کے انتظامی ڈھانچے کا حصہ بننے کی خواہش نہیں،حماس نے اپنا کام مکمل کر دیا،ثالث معاہدے پر عملدرآمد یقینی بنائیں،گیند ثالثی کرنے والے ممالک کے کورٹ میں ہے،