گرامر پبلک سکول سید پور روڑ سٹیلائٹ ٹاؤن کا نتیجہ سو فیصد

راولپنڈی(صدائے سچ نیوز) بورڈ آف انٹرمیڈیٹ اینڈ سکینڈری ایجوکیشن راولپنڈی کے نتائج میں گرامر پبلک سکول سید پور روڑ سٹیلائٹ ٹاؤن کا نتیجہ سو فیصد رہا۔

تفصیلات کے مطابق سائنس گروپ سے عنایہ ندیم نے 1160 نمبر حاصل کر کے سکول میںپہلی پوزیشن ، ایمل وسیم اور مائرہ میمونہ راجپوت نے بالترتیب 1150 نمبر حاصل کر کے دوسری پوزیشن اور ایشل فرحان نے1132نمبر لے کر تیسری پوزیشن حاصل کی۔

اسی طرح مجموعی طور پر 44طالبات نے A+،17طالبات نے Aاور 7طالبات نے Bگریڈ میں کامیابی حاصل کی ۔بوائز برانچ میں اویس عاصم نے 1151 نمبر لے کر پہلی پوزیشن ، محمد عبد اللہ نے 1147نمبر حاصل کر کے دوسری پوزیشن اور محمد رضا عطاری نے 1140نمبر حاصل کر کے تیسری پوزیشن حاصل کی۔

اسی طرح مجموعی طور پر33 طلباء نے A+،17طلباء نے A اور7طلباء نے Bگریڈ حاصل کیے۔ جنرل گروپ میں لائبہ اظہر نے 1060نمبر حاصل کر کے سکول میں پہلی پوزیشن، نور زینب نے 898نمبر حاصل کرکے دوسری پوزیشن اور عیشال عمر نے 869نمبر حاصل کرکے تیسری پوزیشن حاصل کی۔

سکول کے ایڈمنسٹریٹر شمیم حیدر سید نے اس شاندار کامیابی پر طلباء طالبات ،تمام اساتذہ اور والدین کو دلی مبارکباد دیتے ہوئے اس عزم کا اظہار کیا کہ گرامر پبلک سکول ہمیشہ کی طرح آئندہ بھی اپنی اس شاندار روایت کو برقرار رکھے گا۔

انہوں نے کہا کہ گرامر پبلک سکول کا یہ اعزاز رہا ہے کہ کسی بھی طالبعلم کا داخلہ نہیں روکاگیا بلکہ تمام طلبہ و طالبات کے ساتھ یکساں محنت کی گئی اور سو فیصد طلبہ و طالبات نے ریگولر امیدوار کے طور پر امتحان دیا۔