بھارت اور اسرائیل گٹھ جوڑ ا بے نقاب، طالبان رجیم کو بھرپور جواب دیا، چوہدری محمد عبیداللہ

اسلام آباد (صداۓ سچ نیوز )مسلم لیگ ن کے رہنما چیئرمین انجمنِ تاجران مرکز جی سیون ستارہ مارکیٹ چوہدری محمد عبیداللہ نے آپریشن غضب الحق کے تحت طالبان رجیم کے بلا اشتعال حملے پر پاک فورسسز کے بھر پور جواب کا خیر مقدم کیا ہے ۔

بھارت اور اسرائیل گٹھ جوڑ اور سرپرستی میں پاک افغان بارڈر پر چترال ، خیر ، تیرہ اور مہمند سمیت 53مقامات میں طالبان کو پاک افواج نے دھول چٹادی ۔

قوم افغانستان میں طالبان دہشت گردوں کے ٹھکانوں پر پاک فضائیہ کی بہترین حکمت علمی پر وزیراعظم میاں شہباز شریف اور فیلڈ مارشل جنرل سید عاصم منیر کو خراج تحسین پیش کرتی ہے ۔

انہوں نے کہا کہ نیٹو افواج کے انخلا کے بعد یہ توقع تھی کہ افغانستان میں امن ھو گا اور طالبان عوام کے مفادات اور علاقہ میں امن پہ توجہ مرکوز کریں گے مگر طالبان نے افغانستان کو ھندوستان کی کالونی بنا کر دنیا کے دھشت گردوں کا افغانستان میں اکٹھا اور دھشت گردی ایکسپورٹ کرنا شروع کر دی۔

چوہدری محمد عبیداللہ نے کہا کہ پاکستان نے براہ راست اور دوست ممالک کے ذریعہ حالات نارمل رکھنے کی پوری کوششیں کیں،بھر پور سفارت کاری کی، مگر طالبان ھندوستان کی پراکسی بن گئے آج جب پاکستان کو جارحیت کا نشانہ بنانے کی کوشش کی الحمدوللہ پاک افواج اسوقت فیصلہ کن جواب دے رہی ھیں،ماضی میں پاکستان کا کردار مثبت رہا ھے۔

پچاس لاکھ افغانیوں کی 50سال سے مہمان نوازی کی آج بھی پاک سر زمین پہ افغان لاکھوں روزی کما رہے ھیں۔ہمارا صبر کا پیمانہ لبریز ھو چکا، اب پاکستان کی کھلی جنگ ہوگی۔