آپریشن وعدہ صادق 4 کی 99 ویں لہر، ایران کے امریکی اڈوں اور فوجی کمانڈ ایند کنٹرول مراکز پر بیلسٹک میزائل سے حملے

تہران (صداۓ سچ نیوز) ایرانی پاسدارانِ انقلاب کے شعبۂ تعلقات عامہ نے اعلان کیا ہے کہ آپریشن وعدہ صادق 4 کی 99 ویں لہر میں خلیج فارس، آبنائے ہرمز اور مقبوضہ فلسطینی علاقوں میں امریکی اڈوں اور فوجی کمانڈ و کنٹرول مراکز کو نشانہ بنایا گیا۔

پاسدارانِ انقلاب کی نیوی اور ایرو اسپیس فورسز نے علی الصبح بیلسٹک اور کروز میزائلوں اور ڈرونز کے ذریعے مشترکہ کارروائی کی، جو پیٹروکیمیکل تنصیبات پر حملوں کے جواب میں کی گئی۔

ایرانی پاسدارانِ انقلاب کے مطابق پہلے مرحلے میں سعودی عرب کے علاقوں الجبیل اور الجُعَیمہ میں واقع اہم پیٹروکیمیکل کمپلیکسز کو درمیانی فاصلے کے میزائلوں اور ڈرونز سے نشانہ بنایا گیا۔

ایرانی پاسدارانِ انقلاب کے شعبۂ تعلقات عامہ نے اعلان کیا ہے کہ آپریشن وعدہ صادق 4 کی 99 ویں لہر میں خلیج فارس، آبنائے ہرمز اور مقبوضہ فلسطینی علاقوں میں امریکی اڈوں اور فوجی کمانڈ و کنٹرول مراکز کو نشانہ بنایا گیا۔

ایرانی پاسدارانِ انقلاب نے بتایا کہ متحدہ عرب امارات کی خورفکان بندرگاہ کے ذریعے فوجی سازوسامان لے جانے والا، صہیونی نظام سے منسلک ایک کنٹینر جہاز، انٹیلیجنس کی بنیاد پر کیے گئے میزائل حملے میں درست نشانہ بنا۔

ایرانی پاسدارانِ انقلاب کے مطابق بحرِ ہند میں موجود امریکی طیارہ بردار بحری بیڑا “CVN 72” کو بھی طویل فاصلے کے بحری کروز میزائلوں سے نشانہ بنایا گیا۔

ایرانی پاسدارانِ انقلاب نے خبردار کیا کہ امریکا کی جانب سے کسی بھی قسم کی کشیدگی میں اضافہ خطے سے باہر تک وسیع تر ردِعمل کو جنم دے گا۔ بیان میں زور دیا گیا کہ وہ شہریوں پر حملوں کی ابتدا نہیں کرتے، تاہم شہری انفراسٹرکچر پر حملوں کا بھرپور جواب دیا جائے گا۔

بیان میں مزید کہا گیا کہ ہم امریکا اور اس کے اتحادیوں کے انفرا اسٹرکچر کو نشانہ بنائیں گے تاکہ امریکا اور اس کے اتحادی برسوں تک خطے کے تیل اور گیس سے محروم ہو جائیں۔