ایران کا آبنائے ہرمز سے گزرنے والے جہازوں سے ‘ٹرانزٹ ٹول‘ کی جگہ ’سروس فیس‘ وصول کرنے کا منصوبہ

تہران (صداۓ سچ نیوز) ایران نے اسٹریٹجک پالیسی اور بحری سفارت کاری کے تحت ایک نئے منصوبے پر کام شروع کر دیا ہے جس کے تحت آبنائے ہرمز سے گزرنے والے جہازوں سے وصول کی جانے والی رقم کو ’ٹرانزٹ ٹول‘ کے بجائے ’سروس فیس‘ قرار دیا جائے گا۔

یہ بھی پڑھیں:ایرانی بحریہ سمندر کی تہہ میں ہے، چھوٹی کشتیاں رہ گئی ہیں جنہیں خطرہ نہیں سمجھتے، ٹرمپ

ایرانی خبررساں ایجنسی کی رپورٹ کے مطابق اس منصوبے کے تحت ایران  یکطرفہ اقدامات سے ہٹ کر متعلقہ ممالک کے ساتھ دو طرفہ معاہدے کرنا چاہتا ہے، تاکہ جہازوں کی محفوظ آمد ورفت کو یقینی بنایا جا سکے اور اس کے بدلے میں اس نئے نظام کو تسلیم کرتے ہوئے فیس ادا کی جائے۔

یہ بھی پڑھیں: امریکی فوج نے ایران کے سمندری راستوں کی ناکہ بندی شروع کردی،عرب میڈیا

اس منصوبے میں عمان کو انتظامی کردار دینے کی تجویز بھی زیر غور ہے جس کے ذریعے بین الاقوامی آبی گزرگاہوں کی طرز پر ایک باقاعدہ نظام قائم کرنے کا ارادہ ظاہر کیا گیا ہے۔