امریکا کی جانب سے ایرانی جہازوں کو قبضے میں لینے پر ایران کا اقوام متحدہ سے احتجاج

واشنگٹن (صداۓ سچ نیوز) امریکا کی جانب سے ایرانی جہازوں کو قبضے میں لینے پر ایران نے اقوامِ متحدہ سے احتجاج کیا ہے۔

غیرملکی میڈیا کے مطابق یو این سیکریٹری جنرل اور صدر سلامتی کونسل کو خط میں ایران نے ناکہ بندی کو بحری قزاقی قرار دیا ہے۔

ایران کے اقوامِ متحدہ میں سفیر امیر سعید ایروانی نے کہا کہ ایسا رویہ غیر قانونی جبر، بین الاقوامی تجارت میں مداخلت، اور املاک کے غیر قانونی قبضے کے مترادف ہے۔

علاوہ ازیں ایرانی فوج کے ترجمان محمد اکرمنیا کا کہنا ہے کہ امریکا سے جنگ بندی کے باوجود وہ جنگ کو ختم نہیں سمجھتے۔

ان کا کہنا ہے کہ ایرانی افواج سامان کو دوبارہ بھر رہی ہیں اور اہداف کی فہرستیں اپ ڈیٹ کر رہی ہیں۔