کراچی میں فورٹینیٹ سکیورٹی ڈے 2026 کا انعقاد، سائبر حملوں سے نمٹنے پر زور

کراچی (صداۓ سچ نیوز)فورٹینیٹ سیکورٹی کمپنی نے بدھ کو کراچی کے پرل کانٹینٹل ہوٹل میں "فورٹینیٹ سیکیورٹی ڈے پاکستان 2026” کا انعقاد کیا۔ تقریب میں سرکاری اور نجی شعبے سے تعلق رکھنے والے چیف انفارمیشن سیکیورٹی افسران، چیف انفارمیشن افسران، سائبر سیکیورٹی کے حکومتی حکام، پارٹنرز اور ٹیکنالوجی کے سینئر رہنماؤں نے شرکت کی۔

مقررین کا کہنا تھا کہ حکومت ڈیجیٹل معیشت کو مستحکم کرنے کے ساتھ سائبر سیکیورٹی کو بھی خصوصی اہمیت دے رہی ہے۔
تقریب کے ایجنڈے میں اے آئی پر مبنی سیکیورٹی، تھریٹ انٹیلیجنس اور نیکسٹ جنریشن سیکیورٹی آپریشنز پر سیشنز شامل تھے۔

مقررین نے مزید کہا کہ موجودہ دور میں سائبر خطرات زیادہ تیز، خودکار اور نشانہ بند ہو چکے ہیں، اس لیے اداروں کو اپنی سیکیورٹی حکمت عملیوں کو اپ ڈیٹ کرنا ضروری ہے۔ شرکاء نے حقیقی منصوبوں کے تجربات کے بارے بھی خیالات کا اظہار کیا۔

تقریب کے دوران فورٹینیٹ کی قیادت نے نیشنل سائبر ایمرجنسی ریسپانس ٹیم PKCERT کے ڈائریکٹر جنرل ڈاکٹر حیدر عباس سے بھی ملاقات کی۔

فورٹینیٹ پاکستان کے کنٹری ڈائریکٹر ثاقب اشفاق نے کہا کہ "سیکیورٹی ڈے کا مقصد پریکٹیشنرز، پالیسی سازوں اور پارٹنرز کو ایک جگہ جمع کر کے یہ سمجھنا ہے کہ عملی طور پر کیا مؤثر ہے اور کہاں خلا موجود ہیں۔ ہم پاکستان کی سائبر سیکیورٹی کمیونٹی کے ساتھ طویل مدت تک کام جاری رکھنے کے لیے پرعزم ہیں۔”

فورٹینیٹ دنیا کی بڑی سائبر سیکیورٹی کمپنیوں میں شامل ہے اور 50 سے زائد انٹرپرائز-گریڈ پروڈکٹس فراہم کرتی ہے۔ کمپنی کے دنیا بھر میں پانچ لاکھ سے زائد صارفین ہیں۔