وہ وقت دور نہیں جب دنیا بھر سے سرمایہ دار پاکستان میں سرمایہ کاری کو ترجیح دیں گے، ن لیگی راہنما طارق صبور عباسی

اسلام آباد (صداۓ سچ نیوز ) حکومت پاکستان ملک کو ترقی اور خوشحالی کے راستے گامزن کرنے کے لیے دن رات کوشاں ہے، وہ وقت دور نہیں جب دنیا بھر سے سرمایہ دار پاکستان میں سرمایہ کاری کو ترجیح دیں گے۔

وزیر اعظم پاکستان میاں محمد شہباز شریف اور فیلڈ مارشل سید عاصم منیر کی ولولہ انگیر قیادت میں آج پاکستان پوری دنیا کی توجہ کا مرکز بنا ہوا ہے۔

ان خیالات کا اظہار مسلم لیگ ن کے راہنما طارق صبور عباسی نے میڈیا سے گفتگو کرتے ہوئے کیا ۔ طارق صبور عباسی نے مزید کہا کہ تحریک انصاف ایک دشمنوں کے آلہ کار کا کردار ادا کررہی ہے وقت کا تقاضا ہے کہ تمام محب وطن سیاسی جماعتیں اور پاکستان کے عوام مشکل کی اس گھڑی میں حکومت وقت کا ساتھ دیں تاکہ پاکستان کو مزید ترقی اور خوشحالی کے راستے پر گامزن کیا جاسکے۔

آج امریکہ جیسے سپر پاور ملک بھی اپنے مسائل اور ایران سے مذاکرات کے لیے پاکستان کا سہارا لے رہے ہیں جو کہ موجودہ حکومت کی کامیاب خارجہ پالیسیوں کا منہ بولتا ثبوت ہے۔