امریکی فوج کی حمایت کرنے والا ہر مرکز ہمارا ہدف ہوگا، خاتم الانبیا ہیڈکوارٹرز

تہران (سداۓ سچ نیوز) ایران کی مشترکہ کمانڈ خاتم الانبیا ہیڈکوارٹرز کے ترجمان نے کہا ہے کہ جارح امریکی فوج کی حمایت کرنے والا ہر مرکز ایران کا ہدف ہوگا۔

ترجمان ایرانی افواج کے مطابق جو بھی امریکی جارحیت کی حمایت کرے گا وہ ایران کے نشانے پر ہوگا۔ انہوں نے الزام عائد کیا کہ امریکی فوج نے ایک بار پھر اپنے وعدوں کی پاسداری نہیں کی اور عہد شکنی کی ہے۔

ترجمان نے کہا کہ ایران کی مسلح افواج دہشت گرد امریکا کو دندان شکن جواب دیں گی۔

انہوں نے مزید کہا کہ آبنائے ہرمز میں کسی بھی قسم کی مداخلت کی اجازت نہیں دی جائے گی، جبکہ آبنائے ہرمز میں محفوظ راستہ وہی ہوگا جس کی نشاندہی ایران کی جانب سے کی گئی ہے۔