مریم نواز کا کرایوں میں کمی کیلئے فوری اقدامات کا حکم

لاہور (صداۓ سچ نیوز) وزیرِ اعلیٰ پنجاب مریم نواز نے پیٹرولیم مصنوعات کی قیمتوں میں کمی کے اعلان کا خیر مقدم کیا ہے اور ساتھ ہی کرایوں میں کمی کے لیے فوری اقدامات کا حکم بھی دیا ہے۔

وزیرِ اعلیٰ مریم نواز نے صوبے بھر میں ٹرانسپورٹ اور گڈز کرایوں میں کمی کے لیے فوری اقدامات کا حکم دیا ہے۔

انہوں نے کہا ہے کہ پیٹرولیم مصنوعات کی قیمتوں میں کمی کا بھرپور فائدہ عوام کو ہر صورت پہنچنا چاہیے۔

مریم نواز نے پیٹرولیم مصنوعات کے نرخ میں نمایاں کمی پر وزیرِ اعظم محمد شہباز شریف اور ان کی ٹیم کو سراہا اور کہا کہ وزیرِ اعظم نے علاقائی صورتِ حال میں بہتری آنے پر پیٹرولیم مصنوعات کی قیمتوں میں کمی کا وعدہ پورا کیا۔

یہ بھی پڑھیں: وفاقی وزیر داخلہ محسن نقوی آج ایران کے دورے پر روانہ ہوں گے

وزیرِ اعلیٰ پنجاب نے کہا کہ علاقائی صورتِ حال کی وجہ سے قوم کو انرجی بحران سے محفوظ رکھنا وزیرِ اعظم کا تاریخی کارنامہ ہے۔

مریم نواز نے کہا کہ وزیرِ اعظم شہباز شریف اور فیلڈ مارشل سید عاصم منیر نے مشکل وقت میں تاریخ ساز کاوشوں سے دنیا کو انرجی اور معاشی بحران سے بچایا ہے۔