میر رضا قتل کیس، تفتیشی ٹیم نے این سی سی آئی اے کو 4 خط لکھ دیے

کراچی (صداۓ سچ نیوز) میر رضا قتل کیس کی تحقیقات کے سلسلے میں تفتیشی ٹیم نے این سی سی آئی اے کو 4 مختلف لکھ دیے۔

ذرائع کے مطابق خط کے متن میں کہا گیا ہےکہ میر رضا کی اسمارٹ واچ کی فارنزک کی جائے اور مقتول کے ڈیجیٹل اکاؤنٹس کی بھی تفصیلات دی جائیں۔

خط میں مقتول کے سوشل میڈیا اکاونٹس کی تفصیلات طلب کی گئی ہیں۔

ذرائع کا کہنا ہےکہ نئی تفتیشی ٹیم کا دوسرا اجلاس فیروز آباد تھانے میں ہوگا جس کے بعد  ٹیم جائے وقوعہ کا دوبارہ دورہ کرے گی۔

میر رضا کے اہلخانہ کے وکیل جبران ناصر نے جیو نیوز سے گفتگو میں کہا کہ کئی روز سے میر رضا کی اسمارٹ واچ سابق سربراہ کمیٹی کے پاس تھی، اسمارٹ واچ گزشتہ روز این سی سی آئی اے کے حوالے کی گئی، اسمارٹ واچ کی فارنزک این سی سی آئی اے سے نہیں کروانا چاہتے، واچ کی فارنزک لاہور فارنزک لیب سے کروائی جائے۔

جبران ناصر نے کہا کہ اسمارٹ واچ سربراہ کمیٹی کے پاس ہونےسے ٹیمپرنگ کا امکان ہے۔