آپریشن پروجیکٹ فریڈم کا اعلان، تیل کی قیمتوں میں کمی

واشنگٹن (صداۓ سچ نیوز) آبنائےہرمز میں آپریشن پروجیکٹ فریڈم کے امریکی صدر کے اعلان کے بعد عالمی منڈی میں تیل کی قیمتیں کم ہونے لگیں۔

عالمی منڈی میں امریکی خام تیل ایک فیصد کمی کے ساتھ 100 ڈالر فی بیرل پر آگیا ۔ برطانوی برینٹ کروڈ کی قیمت میں بھی کمی ہوگئی۔ 107 ڈالر کی سطح پر ٹریڈ کررہا ہے۔

قبل ازیں امریکی صدر ڈونلڈ ٹرمپ نے ایران جنگ میں غیرجانبدار ممالک کی درخواست پر آبنائے ہرمز میں پھنسے ان کے جہازوں کی آمدورفت بحال کرنے کا اعلان کردیا۔

سوشل میڈیا بیان میں امریکی صدر نے کہا یہ اقدام ایران، مشرقِ وسطیٰ اور امریکا کے مفاد میں ہے ۔ پروجیکٹ فریڈم آج سے شروع ہوگا ۔ مشن آبنائے ہرمز کیلئے امریکی بحریہ قریب ہی موجود رہے گی تاہم جہازوں کو امریکا کے بحری جنگی جہازوں کے حصار میں نہیں نکالا جائے گا ۔ صرف اُن کی رہنمائی کی جائے گی ۔

گزشتہ روز اوپیک پلس ممالک نے بھی تیل کی پیداوار بڑھانے کا اعلان کردیا جس کا اطلاق اگلے ماہ سے ہوگا۔