جنوبی بحیرہ چین میں فلپائن اور چین کے درمیان کشیدگی میں اضافہ

بیجنگ (صداۓ سچ نیوز) جنوبی بحیرہ چین میں فلپائن اور چین کی بحریہ کے درمیان کشیدگی میں اضافہ ہوگیا۔

چینی حکام کے مطابق فلپائنی کوسٹ گارڈ کے 5 اہلکار متنازعہ جزیرے پر اترے تاہم فلپائنی کوسٹ گارڈ کا کہنا ہے کہ چینی ریسرچ ویسلز نے سمندری حدود کی خلاف ورزی کی۔

فلپائن نے چینی جہازوں کو نکالنے کیلئے بحری جہاز کی تعیناتی کا اعلان کردیا۔

مذکورہ جزیرہ، جس کے حوالے سے تصادم ہوا، پر دونوں ممالک کا دعویٰ ہے اور اس کے لیے دونوں ملکوں کے درمیان پہلے بھی کشیدگی رہی ہے۔

چین اور فلپائن کے درمیان جنوبی بحیرہ چین میں بحری کشیدگی بڑھتی جا رہی ہے اور اس واقعے سے دونوں ممالک کے تعلقات مزید کشیدہ ہونے کا خدشہ ہے۔