گوجرخان کے لیے ایک اور اعزاز، واجد ملہوترا برمنگھم میں لبرل ڈیموکریٹک پارٹی کے امیدوار قرار

لوٹن (نامہ نگار) گوجرخان کے لیے ایک اور اعزاز ،واجد ملہوترا برمنگھم میں لبرل ڈیموکریٹک پارٹی کے امیدوار قرار ، لوکل الیکشن میں واجد ملہوترا عوامی خدمت کے جزبے سے سرشار شریک ہوں گے۔

اپنی کمیونٹی کے تعاون سے منتخب ہو کر انشا اللہ کمیونٹی کے لیے خدمات انجام دوں گا۔ ان خیالات کا اظہارگزشتہ روز معروف سیاسی شخصیت واجد ملہوترا نے لوٹن میں موجود صدائے سچ کے نمائندہ سے ٹیلی فونک گفتگو میں کیا۔

انہوں نے کہا خطہ پوٹھوہار کی سر زمین بڑی زرخیز ہے شہیدوں اور غازیوں کی سر زمین سے اب مجھےیہاں دیار غیر میں اپنی کمیونٹی کی خدمت کا موقع ملا ہے۔

صدائے سچ سے گفتگو کرتے ہوئے ان کا مزید کہنا تھا کہ یہاں ہماری چوتھی پانچویں نسل ہے مختلف شعبوں میں ہماری کمیونٹی اپنی صلاحیتوں کا لوہا منوا رہی ہے، میں چاہتا ہوں کہ یہاں کی پارلیمنٹ میں بھی ہماری ایک مضبوط آواز ہو۔

آخر میں ان کا کہنا تھا کہ سیاست کی مین سٹریم میں آنا ہو گا، سات مئی کا سورج میری کامیابی کی نوید لیکر طلوع ہو گا۔