جب امریکا سفارتکاری سے معاملات آگے بڑھانے میں ناکام ہوتا ہے پابندیوں کا سہارا لیتا ہے، ایران

تہران (صداۓ سچ نیوز) ایرانی وزارت خارجہ کے ترجمان اسماعیل بقائی نے اپنے ایک بیان میں کہا ہے کہ امریکی وزیرِ خزانہ نے اقتصادی پابندیوں کے ذریعے ایران کا ‘دم گھونٹنے’ پر فخر کا اظہار کیا۔

اسماعیل بقائی نے کہا ہے کہ یہ امریکا کی پابندیوں کے جنون کی ایک واضح مثال ہے، جب بھی واشنگٹن سفارتکاری سے معاملات آگے بڑھانے میں ناکام ہوتا ہے پابندیوں کا سہارا لیتا ہے۔

ترجمان ایرانی وزارت خارجہ کا کہنا تھا کہ جب پابندیاں مطلوبہ نتائج میں ناکام ہوتی ہیں تو امریکا ان کی شدت میں اضافہ کردیتا ہے، اب یہ محض امریکا کی پالیسی نہیں رہی بلکہ عادت بن چکی ہے۔ امریکا کا یہ ایک ایسا جنون بن چکا ہے جس نے سوچنے سمجھنےکی صلاحیت ختم کردی ہے۔