یمن، حکومتی فورسز کا اسٹریٹجک اہمیت کے حامل ‘کہبوب’ پہاڑوں پر حوثیوں کا حملہ پسپا کرنے کا دعویٰ

صنعا (صداۓ سچ نیوز) یمن میں حکومتی فورسز نے دعویٰ کیا ہے کہ انہوں نے اسٹریٹجک لحاظ سے اہم ‘کہبوب’ کے پہاڑی سلسلے میں حوثی ملیشیا کی جانب سے کی گئی پیش قدمی اور ایک بڑا حملہ پسپا کر دیا ہے۔

سرکاری فورسز کے دستے ‘نیشنل شیلڈ بریگیڈز’ نے ایک بیان میں بتایا کہ انہوں نے پہاڑوں کے اوپر پرواز کرنے والے تین حوثی ڈرونز کو بھی مار گرایا ہے۔ 

بریگیڈز کے مطابق ان ڈرونز کو ان کے اہداف یا حکومتی ٹھکانوں تک پہنچنے سے پہلے ہی راستے میں تباہ کر دیا گیا۔

عرب میڈیا کے مطابق اس اہم محاذ پر تعینات ایک اور عسکری ونگ ‘سدرن جائنٹس بریگیڈز’ نے اس سے قبل اعلان کیا تھا کہ وہ حوثیوں کی قلعہ بندیوں اور انہیں ملنے والی اضافی کمک کو مسلسل اپنے حملوں کا نشانہ بنا رہے ہیں۔