امریکا میں ایرانی صدر مسعود پزشکیان کو امریکی سیکرٹ سروس کی اسپیشل سیکورٹی فراہم کردی گئی

واشنگٹن (صداۓ سچ نیوز) امریکا میں ایرانی صدر مسعود پزشکیان کو امریکی سیکرٹ سروس کی اسپیشل سیکورٹی فراہم کردی گئی۔ 

مسعود پزشکیان اقوام متحدہ کی جنرل اسمبلی سے خطاب کے لیے امریکی شہر نیویارک میں موجود ہیں۔ 

صدر مسعود پزشکیان کے علاوہ نیویارک میں موجود دیگر ایرانی حکام کی سیکورٹی محکمہ خارجہ کی ’ڈپلومیٹک سکیورٹی سروس‘ کر رہی ہے۔ 

امریکی میڈیا کے مطابق پزشکیان اور ایرانی وفد کے دیگر ارکان کی سیکورٹی پر مامور فیڈرل سیکیورٹی اداروں کو نیویارک پولیس ڈیپارٹمنٹ کے انٹیلی جنس بیورو کے ارکان، انویسٹی گیٹرز اور ہائی وے پیٹرول کے دستوں کی معاونت بھی حاصل ہے۔