چکوال: تھانہ سٹی کی حدود میں فائرنگ سے معروف کاروباری شخصیت قتل

چکوال (صدائے سچ نیوز) تھانہ سٹی کی حدود میں کمیٹی باغ روڈ پر فائرنگ کی واردات میں شہر کی معروف کاروباری شخصیت ناصر حسین کو قتل کر دیا گیا۔

تفصیلات کے مطابق مقتول ناصر حسین ولد منظور حسین سکنہ نیلہ (حال مقیم غلہ منڈی) کو نامعلوم افراد نے سر پر گولیاں مار کر موت کے گھاٹ اتار دیا۔

مقتول خانپور گڈز ٹرانسپورٹ کمپنی کے مالک تھے اور مقامی کاروباری حلقوں میں نمایاں مقام رکھتے تھے۔

ابتدائی معلومات کے مطابق واردات ڈکیتی یا ذاتی دشمنی کا شاخسانہ ہوسکتی ہے، حتمی حقائق پولیس تحقیقات کے بعد سامنے آئیں گے۔

پولیس نے جائے وقوعہ کے اطراف نصب سی سی ٹی وی کیمروں کی فوٹیجز حاصل کرکے ملزمان کی شناخت کا عمل شروع کردیا۔

مقتول کی لاش کو پوسٹ مارٹم کے لیے ڈسٹرکٹ ہیڈکوارٹرز ہسپتال چکوال منتقل کردیا گیا۔