اوورسیز پاکستانیز کنونشن کی کامیابی کا سہرا چیئرمین او پی ایف سید قمر رضا نقوی کے سر ہے

لندن (صدائے سچ نیوز) لندن میں اوورسیز پاکستانیوں کا کامیاب کنونشن کا سہرا چیئرمین اوورسیز پاکستانیز فائونڈیشن سید قمر رضا نقوی کے سر ہے۔

اوور سیز پاکستانیوں کے مسائل کے خاتمے کے حوالے سے ان کی خدمات لائق تحسین ہیں، ان خیالات کا اظہار چیئرمین اوورسیز پاکستانی کمیونٹی سید شجر عباس اور برطانیہ میں مقیم معروف کاروباری شخصیت راجا ہارون حفیظ نے مشترکہ بیان میں کیا۔

ان کا کہنا تھا کہ اوورسیز پاکستانی اربوں ڈالر کا غیر ملکی زرمبادلہ پاکستان بھیجتے ہیں لیکن اس کے باوجود ماضی میں انہیں ہمیشہ نظر انداز کیا گیا ہے لیکن سید قمر رضا نقوی کے بطور چیئرمین اوور سیز پاکستانیز فائونڈیشن چارج سنبھالنے کے بعد اوورسیز پاکستانیوں کو خصوصی اہمیت دی جا رہی ہے اور ان کے مسائل کے حل کیلئے خصوصی اقدامات کئے جا رہے ہیں۔

اس حوالے سے او پی ایف انتظامیہ کو بھرپور طریقے سے متحرک کر دیا گیا ہے۔ سید قمر رضا نقوی کا ہر وقت اوورسیز پاکستانیوں سے رابطے میں رہنا، ان کے مسائل کے حل کیلئے چوبیس گھنٹے کام کرناپاکستانی تاریخ کا روشن باب ہے۔

حالیہ اوورسیز کنونشن جس میں وزیراعظم پاکستان میاں شہباز شریف، آرمی چیف جنرل سید عاصم منیر اور وفاقی وزیراوور سیز پاکستانی چوہدری سالک حسین سمیت اعلیٰ حکام نے شرکت کی اور اوور سیز ہاکستانیوں کے برائے راست مسائل سنے اور ان کے حل کیلئے عمل اقدامات اٹھانے کے عزم کا اعادہ کیا۔

یہ اوورسیز پاکستانی کمیونٹی کی بہت بڑی کامیابی ہے، وہ کافی عرصہ سے اوورسیز پاکستانیوں کے مسائل اجاگر کر رہے تھے لیکن اب سید قمر رضا نقوی کی بے لوث دیانتدار قیادت کی بدولت لوگوں کے سالہا سال سے جائیدادوں پر قبضوں کے خاتمے کیلئے عملی اقدامات کیئے جارہے ہیں جس پر او پی ایف انتظامیہ مبارک باد کی مستحق ہے۔