وزیراعظم شہباز شریف کی جانب سے معروف لوک گلوکار استاد الفت علی خان کو تین لاکھ روپے کا چیک

اسلام آباد( صدائے سچ نیوز) وزیراعظم پاکستان میاں محمد شہباز شریف نے حضرت باوا سید شاہ نذر، دیوان کاظمی مشہدی کی دھرتی سے تعلق رکھنے والے معروف لوک گلوکار استاد الفت علی خان کو ان کی خدمات کے اعتراف میں انہیں تین لاکھ روپے کا چیک دیا ہے۔

استاد الفت علی خان کا تعلق سید اڈہ ڈھوک مومن کی ملنگ برادری سے ہے۔ اس برادری کو یہ اعزاز حاصل ہے کہ انہوں نے سر کے ذریعے ذکر حسین کو عام آدمی تک پہنچانے کیلئے یہ برادری ہمہ وقت کوشاں ہے۔

علاوہ ازیں ملنگ برادری سے نوحہ خوانی، قصیدہ خوانی کے حوالے سے شہرت حاصل کرنے والوں میں استاد ذوالفقار علی قاری، استاد خورشید ، خان ویز، استاد حیدری، استاد عظمت حسین سید اڈہ، خرم علی، نقاش حیدر کاشی،ڈھڈیال پارٹی، فرحت اور مسرت برادارن نمایاں ہیں۔

استاد الفت علی خان نے نوحہ خوانی، قصیدہ خوانی کے علاوہ لوک گلوکاری کے حوالے سے خصوصا راولپنڈی ڈویثرن اور پنجاب بھر میں اپنی صلاحیتوں کا بھرپور طریقے سے لوہا منوایا ہے۔

استاد الفت علی خان نے اپنی اس کامیابی کو محمد و آل محمد علیہم السلام کے خصوصی کرم اور سادات کی دعائوں کا نتیجہ قرار دیا۔