لبنان میں اسرائیلی ڈرون حملہ، سینئر حماس عہدیدار اہلیہ سمیت شہید

تریپولی (صداۓ سچ نیوز) لبنان کے شمالی شہر تریپولی میں واقع فلسطینی مہاجر کیمپ پر اسرائیلی ڈرون حملے میں حماس کے سینئر عہدیدار اہلیہ سمیت شہید ہو گئے۔

لبنان کی وزارت صحت کے مطابق علی الصبح حماس کے عہدیدار وسیم عطاء اللّٰہ العلی کے گھر کو نشانہ بنایا گیا۔

رپورٹ کے مطابق ان کی ایک بیٹی بھی زخمی ہوئی جسے علاج کے لیے کیمپ کے اندر موجود اسپتال منتقل کر دیا گیا ہے۔

واضح رہے کہ حزب اللّٰہ نے پیر کے روز اسرائیل کی جانب میزائل اور ڈرون داغے تھے، یہ کارروائی ایران کے سپریم لیڈر خامنہ ای کی شہادت اور لبنان میں اسرائیلی حملوں کے ردِعمل میں کی گئی تھی۔

اس کے جواب میں اسرائیل نے حزب اللّٰہ کے ٹھکانوں پر شدید فضائی حملے کیے اور جنوبی لبنان میں زمینی افواج بھی تعینات کر دیں، جس کے بعد خطے میں کشیدگی مزید بڑھ گئی ہے۔