قوم دشمن کیخلاف متحد ، کئی امریکی فوجیوں کو قیدی بنا لیا ، ایران

تہران (صداۓ سچ نیوز) سیکرٹری جنرل ایرانی نیشنل سکیورٹی کونسل علی لاریجانی نے کہا ہے کہ کچھ امریکی فوجی گرفتار اور قیدی بنا لیے گئے ہیں۔

میڈیا سے گفتگو میں علی لاریجانی کا کہنا تھا کہ وہ جھوٹ بول رہے ہیں کہ 6 امریکی فوجی مارے گئے یہ بعد میں حادثے کا بہانہ بنا کر ہلاک ہونے والوں کی تعداد بڑھا دیں گے۔

انہوں نے مزید کہا کہ دشمن خطے کے اڈوں سے حملہ کرتا ہے تو ہم جواب دیتے ہیں، دشمن کے حملے کاجواب دینا ہمارا حق ہے، خطے کے ممالک اپنی سرزمین استعمال نہ ہونے دیں ورنہ ہم روکیں گے۔

انہوں نے کہا کہ امریکا اور اسرائیل کی جارحیت کے جواب پر ایرانی قیادت میں کوئی اختلاف نہیں، خامیوں کے باوجود ایرانی قوم دشمنوں کے خلاف متحد ہے۔