ایرانی شہرکاشان میں ریلوے پل پر حملے میں 2 افراد شہید، ایرانی میڈیا

کاشان (صداۓ سچ نیوز) ایران کے شہر کاشان میں ریلوے اسٹیشن کے قریب ریلوے پل پر حملے میں 2 افراد شہید ہوگئے جبکہ غیر ملکی خبررساں ایجنسی کے مطابق ایران کے شمال مغرب میں تبریز زنجان ہائی وے پر بھی حملہ کیا گیاہے۔

ان حملوں کے بعد اسرائیلی فوج کی جانب سے جاری بیان میں کہا گیا ہے کہ ایران بھر میں حملوں کی ایک وسیع لہر مکمل کر لی گئی ہے۔

ایران کی ٹرینوں اور  ریلوے لائنز پر حملے کی اسرائیلی دھمکی کے بعد ایرانی شہر مشہد سے ٹرینوں کی آمدورفت تا حکم ثانی منسوخ کردی گئی ہے۔

ایرانی میڈیا کے مطابق اسرائیلی دھمکی کےسبب مشہد ریلوے سے تمام ٹرینوں کی آمدورفت کو اگلے نوٹس تک منسوخ کردیا گیا ہے