اسرائیلی حملوں میں 254 افراد جاں بحق، لبنان میں آج یوم سوگ

بیروت (صداۓ سچ نیوز) لبنان نے اسرائیلی حملوں کے بعد آج ملک بھر میں یوم سوگ منانے کا اعلان کیا ہے، سرکاری ادارے بند رہیں گے جبکہ قومی پرچم سرنگوں رہے گا۔

یاد رہے کہ اسرائیلی فوج کی جانب سے ایران جنگ بندی نافذ ہونے کے باوجود لبنان پر شدید حملے جاری ہیں، لبنان سول ڈیفنس کے مطابق ایک روز میں ملک بھر میں اسرائیلی حملوں میں 254 افراد جاں بحق ہوگئے۔

حملوں کے بعد اسپتالوں میں ایمرجنسی نافذ کردی گئی جبکہ عوام سے خون کے عطیات دینے کی بھی اپیل کی گئی۔

اسرائیلی وزیراعظم نیتن یاہو نے کہا کہ ایران کے ساتھ جاری جنگ بندی لبنان پر لاگو نہیں ہوتی جبکہ اسرائیلی وزیر دفاع اسرائیل کاٹز کے مطابق ان حملوں میں حزب اللہ کو بڑا نقصان پہنچایا گیا۔