شمالی اسرائیل میں حزب اللہ کا ڈرون حملہ، 12 اسرائیلی فوجی زخمی

تل ابیب (صداۓ سچ نیوز) اسرائیلی فوج کے مطابق شمالی اسرائیل میں شومیرہ کے قریب ایک آرٹلری پوزیشن پر حزب اللہ کے ڈرون حملے میں 12 فوجی زخمی ہو گئے۔

اسرائیلی فوج کے بیان کے مطابق لبنان سے داغا گیا ڈرون ایک فوجی کارگو گاڑی سے ٹکرایا جس کے بعد اس میں آگ لگ گئی جبکہ اطراف میں موجود گولے بھی پھٹ گئے۔

یہ گاڑی M548 ماڈل کی تھی جسے اسرائیلی فوج میں ’الفا‘ کہا جاتا ہے اور یہ توپ خانے کے لیے گولہ بارود کی ترسیل کا کام کرتی ہے۔

یہ بھی پڑھیں: ٹرمپ کو ایران کے خلاف نئے فوجی آپشنز پر آج بریفنگ دی جائے گی، امریکی نیوز ویب سائٹ

اسرائیلی فوج اس بات کی تحقیقات کر رہی ہے کہ آیا یہ ڈرون فائبر آپٹک کیبل کے ذریعے کنٹرول کیا جا رہا تھا جو الیکٹرانک جیمنگ سے محفوظ رہتا ہے۔

رپورٹ کے مطابق حزب اللہ حالیہ ہفتوں میں جنوبی لبنان میں فوجی اہداف پر ایسے فائبر آپٹک گائیڈڈ ڈرونز سے حملے کرتی رہی ہے۔