امریکا سے 6500 ٹن فوجی سازوسامان گزشتہ روز اسرائیل پہنچا، اسرائیلی وزارت دفاع

تل ابیب (صداۓ سچ نیوز) اسرائیلی وزارت دفاع نے اعلان کیا ہے کہ گزشتہ روزامریکا سے 6,500 ٹن فوجی سازوسامان اسرائیل پہنچ گیا۔

وزارت دفاع کے مطابق دو کارگو جہاز اور متعدد طیارے یہ سازوسامان لے کر آئے، جس میں گولہ بارود، بکتر بند گاڑیاں اور دیگر فوجی آلات شامل ہیں۔

بیان میں کہا گیا کہ حیفا اور اشدود کی بندرگاہوں پر لنگر انداز ہونے والے جہازوں میں ’ہزاروں فضائی اور زمینی گولہ بارود، فوجی ٹرک، بکتر بندگاڑیاں اور اضافی سامان‘ موجود تھا۔ یہ 6500 ٹن سازوسامان ٹرکوں کے ذریعے ملک بھر میں مختلف فوجی اڈوں تک منتقل کر دیا گیا۔

یہ بھی پڑھیں: شمالی اسرائیل میں حزب اللہ کا ڈرون حملہ، 12 اسرائیلی فوجی زخمی

اسرائیلی وزارت دفاع کے مطابق 28 فروری کو ایران کے ساتھ جنگ کے آغاز کے بعد سے اب تک 403 پروازوں اور 10 جہازوں کے ذریعے اسرائیل کو ایک لاکھ 15 ہزار 600 ٹن سے زائد فوجی سازوسامان فراہم کیا جا چکا ہے۔