پی ٹی اے کا سیلولر موبائل آپریٹرز کی کسٹمر سروس کارکردگی پر جامع سروے

پی ٹی اے نے  پانچ سیلولر موبائل آپریٹرز کی کسٹمر سروس کارکردگی پر جامع سروے  مکمل کر لیا، تمام سی ایم اوز کے کال سینٹر آپریٹر تک رسائی کے اوقات مقررہ حد سے زیادہ رہے ۔

  ایمرجنسی ہیلپ لائنز کی روٹنگ اور میپنگ میں بھی خامیاں سامنے آ گئیں ۔ پی ٹی اے نے آپریٹرز کو خامیاں دور کر کے ایک ماہ میں رپورٹ جمع کروانے کی ہدایت کر دی ۔

پی ٹی اے کی جاری کردہ رپورٹ کے مطابق سروے میں ہیلپ لائن رسائی ، شکایات کے ازالے اور ایمرجنسی سروسز کا تفصیلی آڈٹ کیا گیا ۔ تمام سی ایم اوز کے کال سینٹر آپریٹر تک رسائی کے اوقات مقررہ حد سے زیادہ رہے ۔

صارفین کو کال سینٹر معاونت کیلئے طویل انتظار کی شکایات ۔ ایمرجنسی ہیلپ لائنز کی روٹنگ اور میپنگ میں بھی خامیاں سامنے آئی ہیں ۔ گلگت بلتستان میں چائلڈ پروٹیکشن ہیلپ لائن ڈبل ون ٹو ون کی کالز کی غلط روٹنگ کا انکشاف ہوا ۔ بعض آپریٹرز اور علاقوں میں ایدھی ، پاکستان ریلوے ، این ڈی ایم اے سروسز کےحوالے سے بھی خامیاں سامنے آئیں ۔

پی ٹی اے نے موبائل آپریٹرز کو صارفین کو بروقت اور مؤثر خدمات کی فراہمی کیلئے فوری اصلاحی اقدامات کی ہدایت کی ہے ۔  پی ٹی اے کی ٹول فری ہیلپ لائن تک تمام آپریٹرز کے صارفین کی رسائی ممکن بنا دی گئی ہے ۔