آبنائے باب المندب کسی مسلح دہشتگرد گروپ کے دباؤ کا ذریعہ نہیں بنے گی، یمنی وزیرِ خارجہ

صنعا (صداۓ سچ نیوز) یمنی وزیرِ خارجہ افراح الزوبہ نے المخا بندرگاہ پر حوثیوں کے حملے کی مذمت کی ہے۔

انہوں نے اپنے جاری کردہ بیان میں خبردار کیا ہے کہ حوثی ملیشیا بحری گزرگاہوں کو یرغمال بنانے سے باز رہے۔

یمنی وزیرِ خارجہ افراح الزوبہ کا کہنا ہے کہ آبنائے باب المندب کسی مسلح دہشت گرد گروپ کے ہاتھوں دباؤ ڈالنے کا ذریعہ نہیں بنے گی۔

واضح رہے کہ یمنی فوج کا کہنا ہے گزشتہ روز المخا پورٹ پر حوثی ملیشیا نے شہری اور اقتصادی تنصیبات کو نشانہ بنایا ہے۔

غیر ملکی میڈیا رپورٹس کے مطابق حوثی ملیشیا کے حملے میں المخا پورٹ کا سیکیورٹی اہلکار اور 2 سیلرز جاں بحق، جبکہ 8 شہری زخمی ہوئے۔