افزودہ یورینیم کو کسی صورت کہیں منتقل نہیں کیا جائے گا، اسماعیل بقائی

تہران (صداۓ سچ نیوز) ترجمان ایرانی وزارت خارجہ اسماعیل بقائی نےایرانی میڈیا سےگفتگو میں کہاجن نکات پر امریکی حکام اور میڈیا بات کررہے ہیں ان کی تصدیق نہیں ہوسکتی،افزودہ یورینیم کو کسی صورت کہیں منتقل نہیں کیا جائے گا۔

ترجمان ایرانی وزارت خارجہ اسماعیل بقائی نے کہا افزودہ یورینیم کی امریکا منتقلی پر ہماری طرف سے کبھی یہ تجویز پیش نہیں کی گئی،جس طرح ایرانی سرزمین ہمارے لیے اہم ہے، یہ معاملہ بھی اتنا ہی اہم ہے،

یہ بھی پڑھیں: ایران نے امریکا کی جانب ناکہ بندی کرنے پر آبنائے ہرمز کو ایک بار پھر بند کر دیا

مزید کہا ناکہ بندی جاری رہی تو وہ جنگ بندی کی خلاف ورزی تصور ہوگی،ایران آبنائے ہرمز کے حوالے سے ضروری اقدامات کرے گا۔

دوسری جانب ترجمان ایرانی فوج کا کہنا ہے کہ آبنائے ہرمز پر آمدورفت کا نظام سخت فوجی کنٹرول میں واپس آ گیا ہے،آبنائے ہرمز دوبارہ بند کرنے کی وجہ امریکی وعدہ خلافی ہے۔