ایران آبنائے ہرمز پر اپنی خودمختاری کے استعمال کیلئے کسی اقدام سے خوفزدہ نہیں، ایرانی نائب وزیر خارجہ

تہران (صداۓ سچ نیوز) ایرانی نائب وزیر خارجہ کاظم غریب آبادی کا کہنا ہےکہ آبنائے ہرمز پر خودمختاری برقرار  رکھنےکے لیے ہم کسی اقدام سے خوفزدہ نہیں، ان اقدامات میں جنگ دوبارہ شروع کرنا بھی شامل ہے۔

ایرانی خبر ایجنسی کے مطابق کاظم غریب آبادی کا کہنا تھا کہ عمانی ساحل کے قریب جنوبی راستہ کھولنے سے ایران خودمختاری کا استعمال نہیں کر سکےگا، آبنائے ہرمز کے قریب آنے والا کوئی بھی یورپی جہاز ہمارا جائز ہدف ہوگا۔

کاظم غریب آبادی کا کہنا تھا کہ عمان کو آبنائے ہرمز کی مشترکہ نگرانی کی تجویز دی ہے، ایران اپنے حصے کی طرف ہرمز میں بحری آمدورفت کا انتظام کرے، عمان ہرمز میں مخالف سمت کے ایک حصےکی نگرانی کرے۔