اسرائیلی فوج نے جنوبی لبنان کو ملک کے دیگر حصوں سے ملانے والا آخری پل بھی تباہ کردیا

بیروت (صداۓ سچ نیوز) لبنان کی سرکاری خبررساں ایجنسی کے مطابق اسرائیلی فوج نے جنوبی لبنان میں ایک اہم اسٹریٹجک پل کو تباہ کر دیا ہے۔

رپورٹ کے مطابق اسرائیلی طیاروں نے قاسمیہ پل پر 2 مسلسل فضائی حملے کیے۔ یہ پل جنوبی لبنان کو ملک کے دیگر علاقوں سے ملانے والا آخری رابطہ پل تھا۔

یہ بھی پڑھیں: اسلام آباد میں امن مذاکرات کے دوسرے راؤنڈ کی تیاریاں حتمی مراحل میں داخل

ایک لبنانی سکیورٹی عہدیدار نے غیر ملکی خبررساں ایجنسی کو بتایا کہ اس حملے کے بعد جنوبی لبنان کا ملک کے دیگر حصوں سے زمینی رابطہ منقطع ہو گیا ہے۔ عہدیدار کے مطابق حملہ اتنا شدید تھا کہ پل مکمل طور پر تباہ ہو گیا اور اس کی مرمت کا کوئی امکان باقی نہیں رہا۔

خیال رہے کہ اسرائیلی فوج جنوبی لبنان کو ملک کے دیگر علاقوں سے ملانے والے دیگر پلوں کو پہلے ہی تباہ کرچکی ہے۔