فتح جنگ زمین پر قبضے کی کوشش، فائرنگ سے اپنا ہی بندہ زخمی کردیا

دھاوا بولنے اور فائرنگ کرنے کے بعدجھوٹی ایف آئی آربھی درج کرادی،متاثرین

فتح جنگ(پ۔ر)ضلع اٹک کی تحصیل فتح جنگ ڈھوکری روڈ پر زمین پر قبضے کی کوشش اور تشددکرنے کے دوران فائرنگ کرنے سے قبضہ کرنیوالے فریق کااپناہی بندہ زخمی ہوگیا جس کی متاثرین کیخلاف ہی ایف آئی آر بھی درج کروادی۔

متاثرین حسن رضاخان،حسیب اعجازخان اور علی اعجازخان نے میڈیا سے گفتگوکرتے ہوئے بتایاکہ بتاریخ 10 اکتوبرکودِن ہمارے چھوٹے بھائی حمزہ خان اورمحمد اکثراپنی زمین پرموجود تھے کہ ناصرجمال،علی حسن اورتین چارنامعلوم افراد ہمراہ آتشیں اسلحہ کے ہمراہ ہماری ملکیتی زمین پر قبضے کی غرض سے آئے اورباؤنڈری وال لگاناشروع کردی

جب حمزہ خان اورمحمد اکثرنے منع کیاتوناصر جمال اورعلی حسن نے لڑائی جھگڑاکرتے ہوئے اِن پرفائرنگ شروع کرد ی اور دوران فائرنگ اپنے ہی بھائی کوزخمی بھی کردیاجبکہ حمزہ خان اور محمد اکثر نے اُسی وقت 15پرکال کرکے پولیس کوبھی اطلاع دی۔

متاثرین کے مطابق ناصر جمال جوکہ وکیل اور سابقہ صدربار فتح جنگ ہونے کاناجائزفائدہ اُٹھاتے ہوئے اِس وقوعہ کوہمارے خلاف استعمال کررہاہے اورخود ہی قبضہ کی کوشش،دھاوابولنے،جان سے مارنے کی دھمکیاں دینے کے بعدہمارے خلاف ہی اِس نے ایف آئی آربھی درج کرادی ہے۔

متاثرین نے کہاکہ وجہ عنادپُرانی دُشمنی اورزمین کاتنازعہ ہے جوابھی تلک عدالت میں چل رہاہے لیکن قابضین نے ہماری ملکیتی زمین پربھی قبضہ کرنے کی کوشش کی جس کیخلاف پولیس اسٹیشن میں درخواست دیدی ہے لیکن ابھی تلک ہماری شنوائی نہیں ہورہی اورنہ ہی اِن کیخلاف کوئی قانونی کارروائی کی گئی ہے۔

متاثرین نے ڈی پی اواٹک،ڈی سی اٹک سمیت وزیر اعلیٰ پنجاب سے درخواست کی ہے کہ اِس واقعہ کی فی الفوراور مکمل انکوائری کی جائے اورہمیں انصاف دیاجائے