لبنانی صدر اسرائیلی وزیراعظم سے بات نہیں کریں گے، لبنانی حکام نے امریکا کو بتادیا

بیروت (صداۓ سچ نیوز) لبنانی حکام کا کہنا ہے کہ لبنان کے صدر جوزف عون مستقبل قریب میں اسرائیلی وزیراعظم بنیامین نیتن یاہو سے بات نہیں کریں گے۔

غیر ملکی خبررساں ایجنسی رائٹرز سے گفتگو کرتے ہوئے لبنانی حکام نے کہا کہ صدر جوزف عون اسرائیلی وزیراعظم سے ٹیلیفونک رابطہ نہیں کریں گے اور حکام کے مطابق واشنگٹن میں لبنانی سفارتخانے نے امریکی حکومت کو اس فیصلے سے آگاہ کر دیا ہے۔

یہ بھی پڑھیں: ملک بھر میں بجلی کی لوڈ شیڈنگ کے بعد انٹرنیٹ لوڈ شیڈنگ بھی شروع

خبررساں ایجنسی کے مطابق اس فیصلے کو امریکا کی ثالثی میں لبنان اور اسرائیل کے درمیان ہونے والی بات چیت کے لیے ایک دھچکہ قرار دیا جارہا ہے۔

اس سے قبل اسرائیل کی سکیورٹی کیبنٹ کے ایک رکن نے دعویٰ کیا تھا کہ اسرائیلی وزیراعظم نیتن یاہو لبنان کے صدر سے بات کریں گے۔