پٹرولیم مصنوعات کے بعد ایل پی جی کی قیمت میں بھی بڑا اضافہ

اسلام آباد (صداۓ سچ نیوز) پٹرولیم مصنوعات کی قیمتوں میں اضافے کے بعد ملک میں ایل پی جی کی قیمت میں بھی من مانا اضافہ کردیا گیا۔

شہر قائد کےمختلف علاقوں میں ایل پی جی گیس 350 روپےمیں فروخت ہونے لگی جبکہ اوگراکاریٹ 219روپے68پیسےفی کلو مقرر ہے۔ اچانک قیمتیں بڑھنے سے گھریلو اور تجارتی صارفین کو مشکلات پیش آرہی ہیں۔

کوئٹہ میں بھی پیٹرولیم مصنوعات کی قیمتوں میں اضافے کے بعد ایل پی جی کی قیمتوں میں مسلسل اضافہ ہوا رہا ہے ۔ شہر میں ایل پی جی قیمت میں فی کلو میں 70 روپے اضافہ ہوا ہے۔ اور قیمت 260 سے بڑھ کر 330 روپے ہوگئی ہے۔

پیٹرولیم مصنوعات کی قیمتیں بڑھنے سے کوئٹہ سمیت بلوچستان کے مختلف علاقوں میں غیرقانونی اسمگل شدہ ایرانی پیٹرول کی فروخت میں بھی اضافہ ہوا ہے۔ سرکاری حکام کا کہنا ہے پیٹرولیم مصنوعات ذخیرہ اندوزی کرنے والوں کیخلاف سخت کارروائی کی جائیں گی۔

تاجروں کا کہنا ہے کہ حالیہ دنوں میں سپلائی میں کمی اور عالمی حالات کے باعث قیمتوں میں تیزی سے اضافہ ہوا ہے۔ خطے میں جاری کشیدگی اور ایران سے متعلق صورتحال کے بعد ایل پی جی کی سپلائی متاثر ہوئی ہے جس کے باعث قیمتوں میں اضافے کا رجحان دیکھا جا رہا ہے۔

یاد رہے کہ پیٹرول اور ڈیزل کی قیمتوں میں بھی بڑا اضافہ کیا گیا تھا، حکومت نے پیٹرول اور ڈیزل دونوں کی قیمت میں 55، 55 روپے فی لیٹر اضافہ کیا، جس کے بعد ملک میں مہنگائی کے مزید بڑھنے کا خدشہ ظاہر کیا جارہا ہے۔